ايه هو سبب تراجع و ضعف الخدمة في كنيسة مارجرجس المرماح

من طرف amgad samir في الجمعة فبراير 29, 2008 12:15 am

انا عايز اناقش موضوع حيوي و كلنا بنعاني منه وهو هل الكنيسة حكر لناس معينه..وهل صح ان مجموعة معينه هي اللي تفرض نفسها علي الخدمات من غير ما تدي لغيرها الفرصة أو حتي تستوعب غيرها معها....ساعات كتير بنسسي اننا قدوة ..وان الموضوع مش مجرد انشطة...انا عن نفسي شايف ان هو ده السبب الرئيسي لتراجع مستوي الخدمة عامة في الكنيسة و اكيد هو ده اللي حسينه و لمسينه

من طرف jannaguib في الجمعة يونيو 27, 2008 2:33 pm

الحقيقة يا أمجد ممكن يكون عندك حق بس الحل برضه في أيدينا باننا نكون ايجابيين نحضر و نعرض اراءنا و نقول على اللي مش عاجبنا يعني باختصار الحل في الايجابية . يعني لو كنا ايجابيين كان عدد المشتركين في المنتدى بتاع كنيستنا اضعاف العدد الهزيل ده .

من طرف vedooo في الخميس يوليو 03, 2008 1:47 pm

الصراحة انا عايزة احييك جدا على اثارة الموضوع ده لأنه مهم جدا و مؤثر ف الخدمة و طبعا انا مع جان ف رأيه جدا اننا لازم نبقى ايجابيين فى الحضور و النقد الايجابى اللى يفيد مش يحبط الناس اللى شغالة بالاضافة الى انه لازم كمان حد يستوعب الناس اللى نفسها تشتغل دى من الخدام الموجودين لان احيانا الخدام مش بيحطوا النقطة دى قدام عنيهم بس اعتقد انهم ف مارجرجس بنىسويف نفسهم يلاقوا الناس اللى عايزة تشتغل بس المهم انهم يشتغلوا بهدف الخدمة مش لاهداف شخصية و على فكرة ده احتياج الخدمة ف اى مكان مش ف مارجرجس المرماح لوحدها

من طرف guafa في الإثنين أغسطس 18, 2008 1:43 am

معلش يا أمجد أنا مش معاك أن الكنيسه بقت حكر لفئه معينه يمكن يكون كلامك ده نتيجه موقف شخصى أنت اتعرضتله.. عموما أنا مش بألومك لأن ممكن يكون عندك حق بعض الشئ .وأنا معاك أن مستوى الخدمه قل فى الكنيسه لكن ده يرجع لتقصير الخدام محدش بقى فاضى للخدمه بجد كل واحد عنده مليون عذر.. نفسى نزرع فى ولادنا المعنى الحقيقى للكنيسه وساعتها مفيش أى حاجز ممكن يهبط من عزيمتهم

ايه هو سبب تراجع و ضعف الخدمة في كنيسة مارجرجس المرماح

ايه هو سبب تراجع و ضعف الخدمة في كنيسة مارجرجس المرماح

ممكن يكون عندك حق

رد: ايه هو سبب تراجع و ضعف الخدمة في كنيسة مارجرجس المرماح

رد: ايه هو سبب تراجع و ضعف الخدمة في كنيسة مارجرجس المرماح